Malika Ka Tariqa (Queen's Method):

(Woman On Top)

 Baaz maahireen kay naazdeek Queen's method aik qadeem tariqa hai. America mein 75% aurton ka pasandeeda tariqa yehi hai. Iss mein mian neechey aur biwi aik queen ki tarhan ooper bethti hai. Iss tariqey kay liye zaroori hai kay mian ka tanau (erection) sukht ho. Agar tanau (erection) soft hoga to dakhool mushkil hojata hai. Iss liye jawani mein yeh tariqa bohut kamiyab magar burhapey mein kam use hota hai. Chu'nkay iss tariqey mein ziyada sukht tanau (erection) ki zaroorat hai Chunancha iss tariqey ka use subha kay waqt bohut munasib hai. Kyun kay aksar afraad ko morning kay waqt tanau (erection) sukht hota hai. Tahem iss mein dakhool kay waqt ahtiyat ki zaroorat hai. Ek to biwi zakar kay ooper bilkul seedhi nahi bethey gi iss tarhan dakhool nisbaatan mushkil hota hai. Lehaza biwi thora sa aagey ko jhuk kar 45 ka angle banaatey huey zakar kay ooper bethey to dakhool aasan hoga. Doosri ahtiyat biwi nay zakar kay ooper sit hotey waqt karni hai kay jald bazi nahi karni kyun kay baaz auqat josh-o-jazbaat mein biwi ka nisshanaa khata hojata hai aur woh zakar kay ooper beth jaati hai jis ki wajah sey zakar kay bend hojanay aur muscles ko nuqsan pohochnay ka khatra hota hai. Iss tareeqey mein control biwi kay pas hota hai. Mard kay ooper sit kartey waqt aurat ka weight amooman iss kay ghutney (knees)  per hota hai aur kabhi taangein kay panjoo per naa kay mard kay ooper. Iss tareeqey mein bohut si khoobiyan hain maslan iss tareeqey mein chunkay control aurat kay pas hota hai jis ki wajah sey woh dakhool kay baad jis andaaz sey chahey harkat kar sakti hai. Bazer (clitoris) ko apni marzi sey mian kay zakar kay saath touch kar sakti hai. Daba sakti hai, hutta kay rub kar sakti hai.